Mohabat aisa nagma hai
Zara bhi jhool hole mein
to sur qayam nahi hota
Mohabat aisa shola hai
hawa jaisi bhi chalti ho
kabhi madham nahi hota
Mohabat aisa rishta hai
k jis mein bandhan waloon k
diloon mein gham nahi hota
Mohabat aisa pouda hai
jo tub bhi sabz rehta hai
k jub mousam nahi hota
Mohabat aisa rasta hai
agar pairoon mein larzish ho
to yeh mehram nahi hota
MOHABAT AISA DARYA HAI
K BARISH ROOTH BHI JAYE
TO PANI KUM NAHI HOTA
Aaj Itne barsoN ke baad
Jaise kaii sadioN ke baad
Us ne kaha suno
Ab se tum azaad ho
Qafas khulte hi
Par tolte panchi
Ma uRooN kis tarah magar
Us ne Noch dale the mere par
Dabi huii hasrateiN
Na''tamam khwahisheiN
Poori karooN kis tarah magar
Na ab waqt hai na nazar
Dil ke goshoN ma nihaaN
KhwaaboN ki reshmi doriaN
Sapna bunooN kis tarah magar
Sulajhti nahi doriaN ulajh kar
Rasta chalna bhool kar
Ab jaooN ma kis dagar
Ulti ho gaye sab tadbeereiN
Phir pahen li ab zanjeereiN
kuch batein an-kahi si rehne do,
kuch batein un-suni si rehne do,
sub batein agar keh dain dil ki,
sub batein agar sun lain is ki,
to phir kiya reh jaye ga,
aik ojhal beqali si rehne do,
aik rangeen un-bani si duniya main,
aik khirki un-khuli si rehne do...
