Suna Hai...
JungaLo Ka Bi Koyi Dastoor Hota Hai
Suna Hai
Sher Ka Jab Paitt Bhar Jaye
To Wo HamLa Nahi Karta
Suna Hai
Hawa K Taiz Jhonkay Jab Darakhto Ko HiLatay Hain
To Mena Apnay Ghar Ko BhooL Kar
Kawway K Ando Ko Paro Mai Thaam Leti Hai
Suna Hai
GhonsLay Se Jab Koyi Baccha Giray
To Sara JungLe Jaag Jata Hai
Suna Hai
Koyi PuL Toot Jaye Aur SeLaab Aa Jaye
To Kisi Lakri K Takhtay Per
GuLehri, Saanp, Cheeta Aur Bakri Sath Hotay Hain
Suna Hai
JungaLo Ka Bi Koyi Dastoor Hota Hai
KHUDA-e-MUNSIF-o-AKBAR !
Hamaray MuLk Mai Ab JungaLo Ka He Koyi Dastoor Nafiz Kar...
