Kahani dard ki main zindagi se kya kehta
Ye dard us ne diya hai usi se kya kehta
Gila to mujh ko bhi karna tha piyaas ka lekin
Jo khud hi sookh gayi us nadi se kya kehta
Mere aziz hi mujh ko samajh na paye kabhi
Me apna haal kisi ajnabi se kya kehta
Andheri raat ne mujh ko bohat sataya hai
Bhala ye baat mein ab roshni se kya kehta.
Tamaam shehar mein jhoot ka raaj tha''WASi''
Mein apne gham ki haqeeqat kisi se kya kehta....
