Wafa Jab Maslihat Ki Shawl Aurhey
Sard Raat Ka Roop Dharey
Dil K Aangan Main Utarti Hai
Tou Palko''n Par Sitaro''n Ki Dhanak Muskane Lagti Hai
Kabhi Khwabo''n K An-Chuey Haiwalo''n Se Bhi
An-Dekhi C Anjani C Khushboo Aane Lagti Hai
Kisi K Sung Beetay, An-Ginat Lamho''n Ki Zanjeerai''n
Achanak Zehan Main Jab Gungunati Hain
Nafas K Taar Main Sannata Sa Yakdam Cheekh Uthta Hai
Tou Yun Mehsoos Hota Hai
Hawai''n Aa Ker Sargoshi Karti Hain
Mohabbat Ka Tumhan Idraak Tou Ho Gaya Hoga ?
Ye Jo Bhi Zakhm Deti Hai, Kabhi Seenay Nahi Deti
Mohabbat Rooth Jaye Tou, Kabhi Jeenay Nahi Deti
