Wo Day Raha Hai Dilasay To Umar Bhar K Mujhay,
Bichar Na Jaye Kahin Phir Udaas Kar K Mujhay,
Jahan Na Tu Na Teri Yaad K Qadam Hongay,
Dara Rahay Hain Wohi Marhalay Safar K Mujhay,
Hawa-E-Dasht Mujhay Ab To Ajnabi Na Samajh,
K Ab To Bhool Gaye Raastay Bhi Ghar K Mujhay,
Dil Tabah Teray Gham Ko Taalnay K Liye,
Suna Raha Hai Fasanay Idhar Udhar K Mujhay,
Qaba Zakham Badan Par Saja K Nikla Hoon,
Wo Ab Mila Bhi To Dekhay Ga Aankh Bhar K Mujhay,
Kuch Is Liye Bhi Main ussay Bichar Gaya "Umer"..
Wo Door Door Say Dekhay Theher Theher K Mujhay...
