a SMS Messages26245 messages

Khud say ruthoon to

Khud say ruthoon to kayee roz na khud say boloon
Phir kisi dard ki deewar say lag kar ro loon

Tu samander hai to phir apni sakhawat bhi dikha
Kya zaroori hai k main pyaas ka daaman kholoon

Main k ek sabr ka sehraa nazar ata hoon tujhay
Tu jo chahay to teray wastay darya ro loon

aur meyaar rafaqat k hain aisa bhi nahin
Jo mohabbat say milay saath isi k ho loon

Khud ko umron say muqfal kiye betha hoon faraz
Who kabhi aye to khalwat-kada e jaan kholoon

bay zameen logon ko

bay zameen logon ko
bay qarar ankhon ko
bud naseeb qadmo ko
jis taraf bhi lay jain
raston ki marzi hay
bay nishan jazeeron par
bud guman shahron mai
bay zuban musafar ko
jis taraf bhi bhatka dain
raston ki marzi hay
rok dain ya barhny dain
thaam lain ya girnay dain
wasal ki lakeeron ko
toor dain ya milnay dain
raston ki marzi hay
ajnabi koi laa kar humsafar bana dalain
saath chalnay walon ki rakh bhi ura dalain
ya musaftain saree
khaak mai mila dalain
raston ki marzi hay

In kitabo me titliyan rakh ja

In kitabo me titliyan rakh ja
kuch to aapni nishaniya rakh ja,

Log thak har ke na laut aaye,
raste me kahaniya rakh ja.

Muntazir Koyee to mille tujhko
Ghar ke bahar udasiyan rakh ja.

aaj toofan bhi akela hai
tu bhi sahil pe kashtiya rakh ja.

Ho raha hai agar juda mujhse
meri ankho pe ungliya rakh ja.

Miley Kaisey Sadiyoun

Miley Kaisey Sadiyoun Ki Pyaas aur Paani, Zara Phir Sey Kehnaa
Badri Dilrubaa Hai Yeh Saari Kahaani, Zara Phir Sey Kehnaa

Kahaan Sey Chalaa Thaa Judai Ka Saaya, Nahien Dekh Paaya
Kay Rastay Mein Thi aansoyoun Ki Rawaani, Zara Phir Sey Kehnaa

Hawa Yeh Khabbar Tou Sunaati Rahey aur Mein Suntaa Rahoon
Badalney Koo Hai ab Yeh *Mousum Khizaani*, Zara Phir Sey Kehnaa

Mukar Jaaney Waala Kabhi Zindagi Mein Khusi Phir Naa Paaye
Younhi Khattam Kar Lein Chalo Yeh Kahaani, Zara Phir Sey Kehnaa

Samay Kay Samandar! Kaha Tu Ney Jo Bhi, Suna Par Naa Samjhe
Jawaani Ki Nadi Mein Thaa Taiz Paani, Zara Phir Sey Kehnaa

Mumkin ho aap se

Mumkin ho aap se to bhula dijiyey mujhay
Pathar pe hoon lakeer, mita dijiyey mujhay
Hur rooz mujh se taaza shikayat hai aap ko
Main kia hoon, aik baar bata dijiyey mujhay

Mere siwa bhi hai koi mozoo-e-guftugu
apna bhi koi rang dikha dijiyey mujhay
Main kia hoon, kis jagah hoon, mujhay kuch khabar nahin
Hain aap kitni duur zara sada dijiyey mujhay

Ki main ne apne zakham ki tash''heer ja baja
Hum mantey hein jurm, saza dijiyey mujhay
Qaim to ho sakey koi rishta ap key saath
Gehre samandaroon main baha dijiyey mujhay

Shab bhar kiran kiran ko tarasnay se faida
Hai tairgi to aag laga dijiyey mujhay
Jaltey dinoon main khud pas-e-deewar baith kar
Saaye ki justuju main laga dijiyey mujhay

meri rooh main jo uter

meri rooh main jo uter sekain woh mohabbatin mujhay chahiyain
jo saraab hoon na aazab hoon woh rafaqatain mujhay chahiyain

inhain saetoon ki talash hay jo calenderoon say uter gain
jo samay k sath guzar gain wohi fursatain mujhay chahiyain

kahin mil sekain to samait la meray roz-o-shab ki kahaniyan
jo ghabaar waqt main chup gain woh hiqayatain mujhay chahiyain

jo meri shaboon ka charagh thay jo meri umeed k baagh thay
wohi log hain meri arazo wohi souratain mujhay chahiyain

teri qerbatain nahi chahiayin meri shairy k mizaaj ko
mujhay fasaloon say doaam day teri ferqatain mujhay chahiyain

Main yeh kehta hon ke

Main yeh kehta hon ke
phir se dil lagana chahiye

Neend ki aghosh main
sapna suhana chahiye

Dil ki lau ko sard kar
dena aqal mandi nahi

Dil lagane ko agar-chay
ek zamana chahiye

Koi taaza phool le kar
milne aa jaye to phir

apne zakhmi jaan-o-dil
ko bhool jana chahiye.

Main yeh kehta hon ke

Us Se Kehna Hum

Us Se Kehna Hum Mazay Main Hain

Bas Yaadain Bohat Stati Hain

Un Ki Duuri Ka Gham Nahi Mujhe

Bas Zara aankhain Bheeg Jati Hain

Yeh Adhoora PaN

Yeh adhoora PaN
Jaisay adhi kaali raat,
Jaisay aadha chand,
Jaisay bin sooraj kiran,
Jaisay bin badal barsaat,
Jaisay jungal mein tanha hiran,
Jaisay be aawaz koiyal,
Jaisay Sookhi Kali,
Jaisay Thehra hoa paani,
Jaisay bin paani machhali,
Jaisay andha Raahi,
Jaisay bikhari zulfein,
Jaisay dolhay bin baraat,

aisay hi tum bin main,

aur mera yeh adhora PaN

koch kehnai ka waqt

koch kehnai ka waqt nahi hai koch na kaho khamoosh raho
ai logo khamoosh raho haan ai loogo khamoosh raho

sach acha, par is kai jalo main, zehr ka aik piyala bhi
pagal hu, kiyoon nahaq ko "suqraat" banoo, khamoosh raho

haq acha par is kai liya koi aur marai tu aur acha hai
tum bhi ki "mansoor" hu jo soli pai charhoo, khamosh raho

un ka yeh kehna soraj hi dharti kai phairai karta hai
sar ankhoon par, sooraj hi ko ghomnai do, khamoosh raho

majlis main kooch habs hai aur zanjeer ka ahan chubhta hai
phir soocho, haan hir soocho, haan phir soochoo, khamoosh raho

garm ansoo aur thandi anhain, man main kiya kiya mausam hain
is baghya kai bhaid na kholoo, sair karoo , khamoosh raho

Ek beqarari main doob ker....

Ek beqarari main doob ker....
Ek masti main jhoom ker....
Muhabbat nay apna Izhaar chaha!
Zindgi main pehli baar....
Dil nay kisi ko dil say chaha!

Khawab baney aarzoo ki terha....
Umeed bani zindgi ki terha....
Her Ehsaas nay Iqraar chaha!
Zindgi main pehli baar....
Dil nay kisi ko dil say chaha!

Etabaar ka hath thaam ker....
Yadoon ko hamrah ley ker....
Is Masoom nay bey-ikhtiar chaha!
Zindgi main pehli baar....
Dil nay kisi ko dil say chaha!

Ek khoobsurat Etminaan ki terha....
Tum huey hamari Duaa ki terha....
Hum ney tumhain Toot ker chaha!
Zindgi main pehli baar....
Dil nay kisi ko dil say chaha!

Categories Anniversary Ascii Bengali Birthday Break Up Broken Heart Christmas Decent Diwali Double Meaning Durga Puja Easter Eid Mubarak English Poetry Exam Faraz Fathers day Flirt Friendship Funny Geo Or Jeenay Do Get Well Soon Good Luck Good Morning Good Night Greeting Halloween Holi Independence Day Inspirational Insult Islamic Khichdi Kiss Love Love Stories Miss You Mother's Day Naughty New Year Pashto Politics Punjabi Q n A Quatations Rainy day Rakhi Ramdan Riddle Romantic Sad Sardar Smile Sorry Teachers day Today's thought Urdu Poetry

a SMS Messages26245 messages

Search SMS Messages